definisi sisindiran bahasa sunda

Sisindiran téh asalna tina kecap sindir, hartina omongan atawa caritaan anu dibalibirkeun atawa dibélokkeun, henteu togmol atawa sajéntréna. Sisindiran  mangrupakeun salah sahiji sastra Sunda buhun anu ngagunakeun rakitan basa kalawan dibalibirkeun.

Conto sisindiran:

Aya roda na tanjakan
Katinggang ku pangpung jéngkol
Aya ronda gogoakan
Katinggang ku hulu kohkol

Aya listrik di masigit
Caangna kamana-mana
Aya istri jangkung alit
Cangkengna kamana-mana

Cukleuk leuweung cukleuk lamping

Jauh ka sintung kalapa

Lieuk deungeun lieuk lain

Jauh ka indung ka bapa

Lamun ulin ka talaga

Balikna sok barang bawa

Lamun urang hayang surga

Jalana nyaeta takwa

Ka warung meuli katuncar

Sakalian meuli jahé

Mun budak kedul diajar

Hanjakalna ke geus gedé

Sisindiran sapertina mangrupakeun budaya Sunda anu dipangaruhan tina tradisi pantun urang Malayu.

Sisindiran ogé kabeungkeut ku rupa-rupa aturan atawa syarat anu teu bisa dirobah nurutkeun kahayang sorangan. Aturan éta di antarana:

1. Unggal pada kudu aya opat padalisan 
2. Unggal padalisan kudu aya dalapan engang
3. Sajakna A - B - A - B
4. Padalisan kahiji sareng kadua disebut cangkang, padalisan katilu sareng kaopat disebut eusi.

Nurutkeun eusina sisindiran aya tilu rupa
1. Naséhat/papatah/piwurug/pépéling
2. Silih asih
3. Heureuy/pikaseurieun

Nurutkeun wangun atawa golonganana, sisindiran aya tilu rupa:
1. Paparikan 
2. Rarakitan
3. Wawangsalan